الوصف
الرواية دي مختلفة عن أي رواية ممكن تكون عدت عليكم، أنا مش ححرق الأحداث وأحكيلم قصة الرواية وأحللكم الشخصيات و أقولكم الرسايل اللي بوجهها للقاريء في الكتاب و لكن حكتفي بالكلام عن الرواية بشكل عام عشان يبقى الموضوع شيق بالنسبالكم. الرواية فيها جزء أكاديمي بشكل كبير وهي مش مجرد قصة خيالية وخلاص، ده إنتم حتستفيدوا كتير من المعلومات الموجودة اللي حتفيدكم في حياتكم الشخصية و تضيف لرصيد معلوماتكم العامة وأتمنى وده برضه هدفي إنكم تقروا عن الشخصيات العامة والمفكرين اللي بذكرهم في الرواية و تحاولوا تقروا الكتب اللي بناقشها، عشان كده وأنا بكتب الرواية كان عندي إحساس ملازمني إن ديه مش مجرد رواية، ده بحث علمي بشتغل عليه لإن زي ما حتشوفوا بنفسكم قريت كتب كتير ومقالات عليها و إتفرجت على أفلام عشان تساعدني أكتب رواية مفصلة ومفيدة مش مجرد رواية تافهة وخلاص بسخر فيها من عقول القراء لإن الكاتب الجيد من وجهة نظري لازم يحترم عقول قرائه.
أجمل حاجة في الدنيا من وجهة نظري إن الكاتب يكتب عمل أدبي هادف يساهم في تشكيل وعي القاريء ويساعده إنه يفهم نفسه ويفهم الحياة وأعتقد إن الرواية دي هادفة وفيها دروس مستفادة كتير بس مش حقولكم إيه هيا.
المراجعات
لا توجد مراجعات بعد.